National Road Safety Month, 2024 ko gisik ra·e maninagita Tura songjinma aro wilwilao dongenggipa manderangna, tangka paisa nanggija mikronrangko porikka ra·e sannagita National Highways and Infrastructure Development Corporation Ltd. (NHIDCL) aro Clear Eyesight Clinic apsan bakrime da·al salni bako Tura ISBT o ong·atangaha.
Ia koros nanga gri porikka ra·ani camp ona sak 55 mikron nigita dingtang dingtang sabisi man·gipa manderang re·bae an·tangtangko indin sanne ra·na man·angaha. Manderangko sannagita Tura ni dingtang dingtang clinic ni doctorrang bakko ra·angtoke nanggipa sanna bannaniko uamangna on·angtokaha.
