Tura songjinmao PM-DevINE Scheme nigita IT Park ko rikna, ma·mong sorkarini Ministry of Development of North Eastern Region (DoNER) nigita rika cho·anirangko dakna gong 126.94 tangkarangko a·dokna chamataniko Ministry of DoNER chitti seachi da·al salo u·iataniko dakangaha.
A·dokni Chief Minister Conrad Sangma ia projectko chamatanina PM Narendra Modi, DoNER ni Minister G. Kishan Reddy aro ma·mong sorkariko mittelpilani kattarangko aganangskaaha.
PM DevINE scheme dingtangmancha Northeast a·dokrango rika cho·ani kamrangko a·dokni silroro namroroanina project rangko nangagita ra·bae on·enggipa ong·a. Ia scheme-chi nangchongmotgipa kamrangko ka·e, Northeast jolni a·dokrangko tang·doatna miksongenga jekon ma·mong sorkarioni dakchakaniko on·enga.
