Re·anggipa Khelo India Youth Games 2023 ni final robol kal·susaanio Meghalaya a·dok Punjab baksa kal·e 2-0 chi chebaaha. Indakgipa dal·gipa gadango a·songni dingtang dingtang a·dok baksa susagrike chebagipa ong·anichi uamang Meghalaya a·dokna rasongko ra·baaha.
Meghalaya dolna Garo Hills ni sakgittam chadamberangba robol kal·na sapgipa ong·anchi ia Khelo India Youth Games o a·dokna kal·na seokako man·angaha. Ia sakgittiam chadamberang Mangsang, East Garo Hills ni Kangkam G Momin, Williamnagar, East Garo Hills ni Easter Salchang Ch Sangma aro Garey Songmong, South Garo Hills ni Bipiush G Marak ong·a.
Meghalaya dolni chu·sokbaaniko mande ra·nagita mijal salni bako Chief Minister Conrad Sangma aro Sports Minister Shakliar Warjri ni jakchi uamangna mittelpilskaaniko Shillong songjinmao dakangaha. Unbaksana mikkangchi uamangko nambata gadangona tang·doatnagita sorkarini gita scholarship rangko on·e dakchakanggen ineba Sangma parakataha.
