January 31 tariko, Niksamso Garo Community Organization (NGCO) aro Garo Students Union (GSU) dolrang, EGH a·jao rikenggipa Rongjeng Model Degree College ko ta·rakale matchotate on·pachinagita, a·dokni Education Minister Rakkam Sangmako uni office o gronge memorandum-ko on·angaha. Bang·a manderangni janapataniko man·e, bakrimgimin NGO dolrang jinmani palo ia ja·kuko de·e, songsalni tang·doanina aro namroro silroroanina, skia poraiani gamchatako janapate Rongjeng Model Degree College-ko bida pakwatanio nangchongmotgipa ong·aniko parakangaha.
Ia bida nokko rikna ja·manchakaniko aro a·bachengna man·kujaenganiko nike, jolni bang·a NGO dolrangna jajrenganiko ra·baaha. Wilwilao chalaigipa degree college dongjani a·selo, chatro chatrirangni poraie skie ra·aniko ra·onanisan ong·aigija, songsalo pilaknigita tang·doanikoba ja·manchakatenga ine uamang parakangaha. Education Minister ko gronge memorandum-ko pakwatanio uamang ia kamko mikkango done college-ko rikaniko ta·rake matchotate on·pachina aro a·bachengate chalaina man·agita nanggni kamrangko ka·e ja·kurangko de·pachina mol·molangaha.
NGCO Rongjeng regional unit-ni President Walsrang G. Momin, Education Minister baksa uni office o golporimanio, chadamberangni skie poraie ra·anio nanganirangko chu·sokatna aro jolo chu·gimik tang·doaniko ra·bana Minister-ni nirokaniko nanga ine aganangaha. Ia nangchongmotgipa memorandumko Rakkam Sangmani officeoni niatpachina aro namgipa aganchakaniko on·anggen ine bakrimgimin NGO dolrang ka·dongsoaniko parakataha.
