Bilsi 7 mangna tarigija galchipe donenggipa Baghmara oni Nokatgre ona re·gipa ramako, Garobadha Unit ni A·chik Progressive Approach (APA) dolrang battanggimin salrango RTI ka·angaha. Indake APA dolrangni ja·ku de·e RTI ka·e sakkiko chu·gimik man·ani ja·mano department dosi donga ine u·inagita man·aha.
Uandake department ni dosi dongako u·iani ja·mano, APA dolrang North Tura ni Chief Executive Engineer ko grongenba indita bilsirangna galchipgimin Baghmara oni Nokatgre ona re·gipa ramako tarie matchotatchinagita didiangaha.
APA dolni indake didianiko dakangon, North Tura ni Chief Executive Engineer wachi karina skang ua ramako tarie on·gen ine Garobadha unit ni APA dolna ku·rachakangaha.
