East Garo Hills a·jani Baiza jolo ia jani 21 tariko walni 10 baji mango me·chikma saksani brangbae donganiko nikaha ine koborko man·soaha. Koborna parakatengon ia me·chikmako da·o One Stop Centre ona rimange donchengenga ine u·iatangaha. Ia me·chikma bilsi 50 mangni ong·gen jean ku·sik agana aro knanagita neng·nikaniko man·ani a·selo ua sawa aro banoni ong·a uko da·o dipet ma·sina amkuja ine talatangaha.
EGH a·jani pulis dolrang ia me·chikmani ja·chipchangko Social Media rang jekai Facebook, Whatsapp aro Instagram rango bang·bata manderangona sokatchinagita didianganiko dakangenga jedakode uko uni nokdangni manderangona watatpilna man·gen. Ia me·chikmani gimin saobarang u·ia ba masia ong·ode East Garo Hills, Williamnagar-ni Women Police aro One Stop Centre na ia 6909830279 on·sogimin numberona phone ka·e u·iatpachina mol·molangaha.
