Tura, Chandmari GBHSS Football kal·chakramo January 22 aro 23 tariko, Reliance Foundation Young Academy, District Football Association (DFA) Tura baksa nangrime bilsi 11 aro 12 ong·gipa me·a bi·sarangni robol kal·anio changa sapaniko nisusagrike seokangaha.
Salgnina ong·atanggipa ia seokaniona Garo Hills ni adita dingtang dingtang a·jarangoni sak 20 na bate bilsi 11 aro 12 ong·gipa bi·sarang re·bae bakko ra·angtokaha. Uamangoni sak 4 bi·sarang Shillongo gnigipa seokanio bakko ra·na cholko man·angaha. Seokako man·gipa bi·sarang Bryando G. Sangma, Chuen Dilsrang N. Areng, Luxbirt M. Sangma aro Mallenga N. Sangma ong·a
Ia sak 4 seoka man·gipa bi·sarang Shillongo gnigipa changna bakko ra·na re·anggen aro uamangni kal·ani ba changa sapanirang namgenchimode Mumbai-ona rimangako man·gen ine DFA, Tura ni General Secretary parakangaha.
