Da·al salni bako Meghalaya Games o gittamgipani biapna me·asa aro me·chik dolrang kal·e matchotangaha. Ia gittamgipa biapna me·asa dolrang NGH aro Ri-Bhoi ni gisepgriko kal·anio, NGH dolrang chenagita man·angaha. Skanggipa Neng·takani somoi ong·na skang NGH dol 37 pointrangko man·aha aro Ri-Bhoi dolrang 22 pointrangko man·skaaha. Bon·kame chu·gimik somoi kal·anio Ri-Bhoi 50 pointrangko man·aha aro NGH dolrang 64 pointrangko man·e cheangaha.
Apsan daken gittamgipa biapna me·chik dolrang, NGH baksa SWKH ni gisepo kal·susaanio chu·gimik somoio, SWKH dolrang 41 pointrangko man·e cheangaha aro NGH dolrang 26 pointrangkosan man·e sirikna nangaha.
