5 gipa Meghalaya Games 2024, Taekwondo poomsae ba kal·susaanio jakkalna nanggipa niamrangko da·al salni bako, Montfort School, Danakgre ni Basketball kal·chakram biapo me·asa aro me·chik Cadet dolrangna ong·atangaha.
Me·asa Cadet dolrangni Poomsae susaanio Gold medalko WJH ni Ha-Oo-Wowbet, Silver medalko WGH ni Achuat A. Sangma, skanggipa Bronze medalko Ri-Bhoi ni Pynshai Kharumnuid aro gnigipa Bronze medalko EKH ni Rehaan Pathaw man·angaha.
Me·chik Cadet dolrangni susaanio Gold medalko WGH ni Genesis K. Marak, Silver medalko Ri-Bhoi ni Kapdonching Hatlang, skanggipa Bronze medalko WJH ni Idorkaru Langstang aro gnigipa Bronze medalko EKH ni Elizabeth Chingnunmaw man·angskaaha.
