5 gipa Meghalaya Games 2024 ni bilsi 18 ni ning·o ong·gipa me·asa dolrangni robol kal·susaanio West Garo Hills (WGH) aro Ribhoi dolrang South Garo Hills (SGH) aro East Jaintia Hills (EJH) dolrangko amate semifinal ni gadangona sokdoangaha. Ia kal∙susaanirangko Chandmari stadium o kal∙chakataha jeon Ribhoi dol EJH ko goal gittam chipe amchepataha. Unbaksana WGH dolrang goal 7 ko chipe, SGH dol goal 1 mangmangkosan chipna man∙e sirikaha.
Ribhoi dolna Riskhem Syiem, Jefree Kyrsain aro N Syngkli goalprako doltangna chipnagita man∙aha. Unbaksana WGH dolna Baltimas K Marak, Nangrim M Sangma, Dimsrang Ch Sangma goalprako chipe on∙an baksana RD Sangma aro Kim Kim D Sangma goalgni ka∙e chipnagita man∙angskaaha.
