Meghalaya Games 2024 Badminton kal∙susaaniko da∙al saloni Tura Indoor Hall, Hawakhanao a∙bachengate dingtang dingtang a∙jarangni chadamberangni bil∙tinggrike susaaniko nikangnagita man∙angaha. Skanggipa susaanio, West Jaintia Hills ni Hunbait S Manner ni kosako 18-21, 21-11, aro 23-21 point rangko man∙e Eastern West Khasi Hills ni Mewanlamkupar chenagita man∙aha.
Gnigipa kal∙anio East Khasi Hills ni Stephan Marwein West Garo Hills ni Biswajit Ghosh ko amatskaaha. Ghosh round sa kosan amnagita man∙e Marwein baksa sirikna nangao ga∙akaha jeon bon∙kame 21-18, 20-22, aro 22-20 point rang ong∙aha.
South West Garo Hills ni Civilo Ch. Momin round gnion chu∙gimik 23-21, 21-19 point ko man∙e, Eastern West Khasi Hills ni Nangkiewshaphrang ni kosako chegipa ong∙angskaaha. Gipin kal∙susaanirango West Garo Hills ni Gaurav Dutta West Khasi Hills ni Jefrryford Lyngdoh baksa 21-16, 21-11 point rangko man∙e Gaurav chegipa ong∙angaha. Ribhoi ni Enrique Syiem West Khasi Hills ni Banshanlang Pariong baksa 21-12, 21-10 point rangko man∙e Enrique nengrabee chenagita man∙skaaha.
Una agreba East Khasi Hills ni Raynel Kharbuki West Jaintia Hills ni Banshanbor Lamare ko 21-9, 21-14 point rangchi nengrabee amataha. West Jaintia Hills ni Dabiangsakani 21-18, 21-12 point rangko man∙e West Khasi Hills ni Baphishisha Marshillong ko amchepatskaaha.
