Kanninjuku Training Camp-cum-National Shoto Cup Karate Championship 2023 kal∙susaanio Meghalaya dolrang gisiko nangbee kal∙e nambatgipa ong∙e chu∙gimik 109 medalrangko man∙aha, jeon ge 45 gold medalrang, ge 37 silver medalrang aro ge 27 bronze medalrangko man·e chegipa ong∙baaha.
2023 bilsini December 29 oni 31 tarikona Maharashtra ni Khandala-o karate kal∙susaatanio sak 57 kal∙susagnigiparangko, Donboklang Lyngdoh, Arjun Sewa, aro Greater EM Kharpuri re∙dilaniko dakangaha.
Ia susaanio aiao inmanani kattaara, Meghalaya dolni kal∙susanio bak ra∙anggipa sakantian medal ge∙prakko man·e chegipa ong∙baaha. Uamangoni Gideon Tympuin, Paul Danny Kharmudai aro Glikerius Buhphang sakprakan gold medal ge∙gittamko sakprakan man∙e chegipa ong∙baaha.
