5 gipa Meghalaya Games 2024 ni bilsi 18 ni ning·o ong·gipa me·asa dolrangni robol kal·susaaniko da·al pringni 10 bajio Tura Chandmari robol kal·chakram biapo a·bachenge kal·atangaha. Ia skanggipa kal·anio South Garo Hills baksa South West Khasi Hills ni gisepo susagrikaniko dakangaha. Ia kal·susaanio Meghalaya State Olympic Association (MSOA) ni Working President John F. Kharshiing, MSOA ni member Eddie Passah aro Meghalaya Football Association (MFA) ni Vice President Gino Sangma dongpae bakko ra·angaha.
Bil·tinggrike an·tangtangni dolna krenge kal·e skanggipa neng·takani somoina skang South West Khasi Hills goal 2 chipnagita man·aha aro South Garo Hills goal 1 kosan chipnagita man·chengaha. Kal·ani chu·gimik somoio South West Khasi Hills goal 6 ko chipe chenagita man·aha aro South Garo Hills goal chipnagita man·taijae amatako man·aha.
