Re·baenggipa January 15 aro 16 tariko India a·songni President Tura songjinmaona re·baengon rama dilrango gari gorarangko neng·takate dongjachinagita WGH Pulis ni Superintendent manderangna u·iataniko on·angaha.
January 15 tariko a·songni President Tura ona re·bae Meghalaya Games ko oprakaniko dake, kal·susaanirangko January 20 tarikona ong·atangnagita tik ka·angaha. Ia kal·susaanirangko chu·sokatna man·agita a·dok sorkari gong 23 crore rangna bate chamatmanaha. Unbaksana a·songni President Shillong songjinmaona January 16 tariko re·ange gitalgipa Shillong Ropeway project na pangchakani ro·ongko songnagitaba tik ka·angaha.
