5 gipa Meghalaya Games 2024 ko ong·atnagita Tura songjinmani adita dingtang dingtang biaprango kal·susaanirangko sokachaknagita tarisamsoaniko niknagita man·enga. Tura songjinma aro wilwilao adita dingtang dingtang kal·susaanirangko ong·atna Meghalaya Sports Association ni tik ka·e dongimin biaprango tarisamsoanirangko dakangenga. Kal·susaanirango bak ra·nagita chadamberangna skanggipa registration aro ID rangko sualaniko dake uamangna cha·chak ringchakanirangko on·an baksana tuchakani biaprangkoba tikatangaha. Ia tarisamsoanirangko venue administrator staff rang adita volunteer rang baksa kamrangko nirokaniko dakangenga.
Uan dake January 15 oni ong∙atnasienggipa Meghalaya Games 2024 o kal∙chaknagita tarisamsogimin biaprangara Taekwondo aro Chri gosusaaniko Monfort Centre for Education School, Danakgre kal∙chakram biapo, Gymnastics, Judo aro Jakpong pe∙susaaniko Don Bosco Junior College, Indoor Hall, katsusaananiko Tura Track and Field, Badminton aro Table Tennis ko Tura Indoor Hall, Hawakhana, Basketball ko Don Bosco College, Cycling ko Rongkhon aro Darechikgre, Football ko Chandmari kal∙chakram biap, Golf ko Durama Golfcourse 200 Battalion, BSF Danakgre, Karate-Do ko Tura Government College, Slai gosusaaniko Goeragre 2nd Battalion Ground, Chio jrosusaaniko Rongkhon Swimming Pool, Boxing, Jatni kal∙susaani aro Wushu ko Don Bosco School, Volleyball ko Matchakolgre L.P School, Weight-lifting ko Sericulture Ampitheatre, New Tura, Wrestling ko St. Mary’s Higher Secondary School, Tura biaprango kal·atangnagita tarisamsoanirangko dakangenga.
