WGH Allagre songo Field Day programko ong·atanga

National Endowment for Humanities (NEH) scheme nigita Field Day programko mijal salni bako WGH Allagre songo ong·atangaha jeon sak 25 cha·ani to bikotgipa me·surangko game cha·giparang dongpae bakko ra·angaha. Ia programo Tura ni Dean of Community Science (CAU, Imphal) ni Prof. Jyoti V Vastrad mongsonggipa sokgipa ong·e bakko ra·angan baksana uamangni skie on·enggipa scientific technology ko jakkale gama ge·anirangko nambatatna game cha·giparangko didiangaha. Unbaksana SGH KVK ni Principal Scientist Dr. Athokam Haribhushan tom·aniko dilange Ministry of Agriculture nigita ICAR NEH Fund aro gipin Fund rangni ning·o dingtang dingtang scheme rangko man·a office nigita dakchakna game cha·giparangna u·iatangaha. Ia tom·ani bon·kamgipa bako to rangko bikotgipa me·surangko man·aniko bariatnagita bija jilchakgipa bakso, jo·ongrangna sam satani aro me·su bitchilrangko donchakanirangni bidingo che·eme agantalate ong·angaha.