Meghalaya sorkari bimchipe aro gisiko nangbee sorkarina dangdike on∙enggipa sak 55,000 kam ka∙giparangna Dearness Allowance (DA) ko 3% na bariatna tik ka·angaha. A∙dok sorkari December jani dormahako seng∙gnang on∙an baksana sorkarini dingtang dingtang department-o dangdike on∙enggiparangna uamangni DA ko baridape on·anggen ine Chief Minister Conrad Sangma parakataha.
A·dokko silroroatna kam ka·anio sorkarina dangdike on·enggipa sakantinan uamangni man·gnirangko bariatanichi janggi tangani cholko namdapatna aro nengrabatatna dakchakani ong∙anggen ine miksonge kamrangko ka∙angenga ine Sangma parakataha.
