Batanggimin antignini gisepo PHE Minister Marcuise Marak, Garo Hills ni dingtang dingtang biaprangona re·roroe nirokanganiko dakange department ni ning·o kam ka·giparang baksa tom·e nipiltaianirangko dakangaha. Una agreba chimongchakram chirangni rongtalanirangko porikka ra·e nianirangkoba dakangjolaha.
Nipiltaianiko dakani somoirango Jal Jeevan Mission nigita kam ka·anirang chu·sokaniko niknagita man·aha ine Marak parakataha. Ia kamrangko nirokanio Commissioner Secretary, Chief Engineer, Additional Chief Engineer aro gipin dilgiparangba dongpae bak ra·angaha.
Department ni aro engineer rangni manderangna chi sokatna rakbee kam ka·anirangko nike Marak uni kusi ong·aniko parakangan baksana sorkarini lakh 5 mangni nokdangrangna chi sokatna miksonganiko ia bilsini Krismasna skang chu·sokatna bang·jaengaha ineba Marak aganangaha. Da·alona kingking chi pipe salna man·gimin chu·gimik nokdangrang 4,65,992 ong·aha jean 71.5 percent nigita matchotaniko mesoka ine Marak janapangaha.
