Da∙al salni bako Tura Chandmari, Government Boys Higher Secondary School ni robol kal∙chakramo ong∙atgipa Tura Champions Trophy ni bon∙kamgipa kal∙aniko Selsella SA aro Greenwood Darenggre-ni gisepo kal∙angaha. Ia dolgnini susaaniona a·dokni Assembly Speaker Thomas Sangma mongsonggipa ong·e sokbaaha, jeon Meghalaya Health Advisory Board ni Co-Chairman Lonarson Ch. Marak aro C N. Sangma, District Sports department ni officialrang, District Football Association dolni manderang aro adita gipin gadangni manderang sokbae bakko ra·angaha.
Greenwood Darenggre doloni Robert Kongjoh-ni goal 3 ko chipanichi aro Sunil Marak-ni goal 1 ko man·e dolna dakchakanichi Tura Champions Trophy 2023 o chegipa ong·angaha. Selsella SA dolna Chichang Momin aro Saldish Momin goal prakko chipe on·angskaaha. Chu·gimik kal·anio Greenwood Darenggre dolrang goal 4 ko man·aha aro Selsella dolrang goal 2 kosan man·e gnigipa gadangko man·angskaaha.
Ia susaanio chegipa dol Greenwood Darenggre na mongsonggipa sokgipa Thomas Sangma cheani Trophy ko on·angaha aro gnigipa biapko man·anggipa Selsella SA dolna Meghalaya Health Advisory Board ni Co-Chairman C.N. Sangma ni jakchi Runners Up Trophy ko on·angskaaha. Da·al salni kal·susaanio Player of the Final ko Greenwood Darenggre ni Robert Khongjoh man·angaha aro apsandaken Player of the tournament koba Greenwood Darenggre ni Sunil Sangma man·angskaaha.
