A∙chikrangni Dakmanda aro Larnai Pottery Geographical Indication Tag o bimungko segatako man∙angaha. A∙chikrangni Dakmanda jakchi sikgimin kogimin ja∙gitoksrek kildingchi tarigiminrang ong∙a. Ia Dakmandako Miskuri, Eri aro Muga jo∙ongoniko bikotgimin kildingrangchi jaktangchi doke taria. Ia Dakmandako dingtang dingtang bimangrango jekai pul bibal, bijakrangni bimango, gamchatgipa rong∙terang aro uandake dingtang dingtang bimangrango tarie dokronga jekon inch 6 ba 10 rangnigita rikingko done taria aro jatnigita dingtang dingtang tom∙ani ba manianirango A∙chik me∙chikrang ganronga.
Unbaksana Larnai Pottery ba a∙ste chi tarigimin sam∙dik me∙dikrangko Jaintia Hills-o mangmangsan niknagita man∙a. Larnai Pottery ko khiew larnai ba khiew ranei ine Jaintia ku∙sikchi minga. Indakgipa sam∙dik me∙diko ming gni dakgipa a∙ste jean Khyndew long ba gisim a∙ste aro Khyndew Khluit ko tarinagita jakkalronga. A∙chik chubitchi jean mi ko soate tarigipa mingsa A·chikrangni ringna jakkalronggipa ong·a. Ia chubitchiko jatni dingtang dingtang manianirango ringna jakkalronga. Batanggimin salo Lakadong Holdi ko GI Tag o segatako man∙aha aro da∙o Larnai Pottery, A∙chik Dakmanda aro A∙chik Chubitchi ko segata man∙aniara Meghalaya a∙dokna namen rasong chaaniko ra∙baaha.
