Meghalaya Police Department o sak 3000 na bate kamna rimnapaniko dakanggen ine mijal salni bako Deputry Chief Minister Prestone Tynsong aganangaha. Pulis kamna rimnapaniko re·baenggipa bilsini a·bachengaoni ta∙raken u·iataniko dakanggen ine Tynsong parakataha.
Ia kamna rimnapanio dakna nanggnirangko matchotna bang∙jaha aro kamna rimnapanio pulis dolni dingtang dingtang gadangrangna jekai Sub Inspector, Armed branch constable, Unarmed branch constable, Firemen aro Meghalaya Police Radio Organisation (MPRO) Operator rangna rimnapaniko dakanggen ine Tynsong janapangaha.
