Me·gong festivalni gnigipa salo Bollywood git ring·gipa rangoni mingsinggipa Armaan Malik uni knatobegipa ku·rangchi manderangko an·saobeatangaha. Maniani skanggipa sal mikka waani a·sel chu·sokna man·jagenchimoba gnigipa salo sal nambee on·anichi programko maming neng·nikagri ong·atangna man·aha.
Gnigipa changna ia festival ko manianio bang·a ringsalni a·bao sapgiparang jekai Shillong ni Eh Rngiew, Street Stories, Nagaland ni Trance Effect, Garo Hills ni G-Hills Finest, Kerela ni When Chai Met Toast aro Bollywood o mingsinggipa Armaan Malik bakko ra·e ring·mesokangaha.
Bon·kame ia Me·gong festival ko da·al salni bako manianggen jeon Vengaboys ni an·saobee ring·mesokaniko nichaksotokenga.
