Tura, Chandmari Artificial Turf football kal·chakram o ong·atenggipa Tura Champions Trophy ni gnigipa semi-final ko Greenwood aro Druma Sandruma ni gisepo da·alo kal·susaangaha.
Ia susaanio Greenwood dolrang goal 3 aro Druma Sandruma goal 1 ko chipna man·angaha. Kal·susaanio Greenwood dolni Sunil Marak goal 2 ko chipaha aro Robert Khongjoh goal 1 ko chipe Greenwood dolrang chegipa ong·angaha. Apsan daken Druma Sandruma ni Winter Marak goal 1 ko doltangna chipe on·skaaha. Ia kal·susaanio Player of the match award ko Greenwood dolni Robert Khongjoh man·angaha.
Tura Champions Trophy ni final kal·susaanio Selsella SA aro Greenwood ni gisepo kal·ani ong·anggen jekon re·baenggipa sal somoirango tarikrangko parakatgen ine u·iatangaha.
