Chang 73 gipa Senior National Basketball Championship 2023 ko re∙baenggipa December 3 oni 10 tarikona Ludhiana-o ong∙atenggipao kal∙susanagita Meghalaya Basketball Association (MBA) ni gita me·a aro me·chik dolrangko seoke watataniko u·iatangaha.
Ia kal∙susaanio bakko ra∙na me·asa dolna seokako man∙giparangara Balajied Langrin, Bornsnar Sangma, Dennish Ale, Friendy John Lyngdoh, Hamelakynshew Kharsyntiew, Jason K Bakai, Nathaneal Kharbhih, Reneldy Budlang Jyrwa, Soilunlal, Sudhir Verma, Sundeepan G Momin aro Wankmenlang Jana ong·a.
Apsandaken me·chik dolna seokgiminrang Ibahunlang A Lyngdoh, Bashisha Rani, Elgiva H Rumnong, Nazarene Nongneng, Balarine Marboh, Iairy S Sangma, Larihun A Warjri, Dalaartihun Massar, Carolyne Kharpuri, Streamlet B Nongrang, Silverylne Suchiang aro Ucilia Pyngrope ong∙a ine Meghalaya Basketball Association u∙iataniko on∙angaha.
