Jal Jeevan Mission (JJM) scheme ni ning·o rikgipa Rongjengni PHE Treatment plant ko PHE Minister Marcuise Marak jolni MLA Jim M. Sangma aro PHE department ni Sub Divisional Officer rangni dongpaanio da∙al salo nirokeaniko dakangaha.
Ia plant ko tarianiara dam gni songrangna jean Asim Agal songo ge 80 nokdangrangna aro Asim Apal songo ge 20 nokdangrangna chu·ongagita ringani chirangko sokatna dakchakbeani ong∙anggen ine Marak aganangaha. Jolni manderangna iako ra·bae on·anichi nokantiona ringani chirangko jakkalna man·agita mingsa mongsonggipa ja·ku de·ani aro chu·sokaniko mesokani ong·a ine Marak agandapangaha.
