Batanggimin salrango TMC ni dilgipa Dr. Mukul Sangma ni Bharatiya Janata Party (BJP) baksa barkrimna miksongenga ine agananiko Sangma jegale aganangskaaha. BJP baksa bakrimna miksonganirang gnang ine agananiara kobor ra·timgiparangni kattarangsan ong∙aia ine Dr. Mukul Sangma talatangaha.
Sangmani agananigitade re∙anggipa 2023 Assembly election ni ja∙manan uko BJP baksa bakrimna miksongenga ine kobor ra·timgiparangni agananirang batrikrikangaha ine parakangaha. Ia kattarangara maming dakeba kakket ong∙ja maina election ong∙aoni somoirang ru∙utkuja aro party ni chanchina nanganiara re∙baenggipa 2028 Assembly election sepangjokosa je ja∙ku de∙na nangarangkoba, obostarangko nigrike kamrangko ka∙angna man∙gen ine Sangma agantalate on∙angaha.
