East Garo Hills a·jani Chainage songo ma·mong sorkarini Ministry of Rural Development ni ning·o PMGSY scheme nigita rike matchotgimin ru·ute baikamnagipa ge·gni dollongrangko mijal salni bako oprake ong·angaha.
Dollong ge·sa jean Rongre chiringko kasotgipa aro ge·gipin Rongon chiringko kasotgipa ong·a jekon Jakopgreoni Nengmandalgre-ona batsotna jakkalgipa rama ong·a.
Batanggimin salrango Hanging bridge ko jakkalanio wachi karini somoio songni manderangna kenchakani ong·ronga. Ia gitalgipa dollongko tarie on·anchi ua jolni manderangna namen dakchakani ong·engaha aro re·a doanio bang·a songrangan a·jani skotong songjinmaona re·nagita nengraani ong·gen ine skotong Minister Conrad Sangma aganangaha.
Una agreba Nengmandalgre oni Daribokona re·na jakkalgipa LO51 rama, ge 7 dolongrangko man·chape aro Cherangre-oni Chisobibra-ona re·gipa LO42 ramakoba da·al salo oprake on·angjolaha. Ia oprake on·ani programo Tura ni MP Agatha Sangma aro Deputy Chief Minister Prestone Tynsong ba mongsonggipa soke bakko ra·angaha.
