Garo Hills Autonomous District Council ni ning·o kam ka·giparangni dormaharangko Christmas na skang sokatpachina da∙al salni bako warachakgipa dolni MDC rang CEM Albinush Marak ko gronge mol∙molaniko dakangaha.
GHADC o kam ka∙enggiparangni ja 30 ni hajirako da∙alonaba on∙kujaenga aro MDC rangko seokaonin jasani dormahakomangba on∙kujani gimin, scheme rangko on∙jagenchimoba dormahakode sokatpachina janapangaha. Sorkariko chalaienggipa MDC rang dingtang dingtang schemerang, TA aro DA rangko man∙engani gimin, uamangnaba dormahako on·china gipin dolni MDC rang didiangaha.
Uamangni re·ange janapaniko man·e, GHADC o kam ka·giparangni neng∙nikanirangko niate, tangka paisarangko nigrike on∙agita jotton ka∙anggen ine CEM ku∙rachakangaha.
