Meghalaya a·dokni West Khasi Hills a·jao songdongenggipaoni saksa Nambie Jessica Marak Masterchef India season 8 o, song·a chananio susaanio uni changa sapanichi semifinal ona sokdoangaha ine koborna parakataha. Ua a·doko songdonggiparangoni a∙songni ong∙atgipa song∙a channanio susaanio skanggipa bak ra∙e chu∙sokanggipa ong∙a.
Ua an·tangko ia song·a channanio susagiparangoni maikai seokako man·aha aro maikai a·songni gipin song·a chananio changgipa sapgiparang baksa rakbee susaanichi semifinal ona sokangani bidingo uni katchaaniko parakangaha. Marak uni YouTube channel jean “Eat your kappa” ko chalaigipa ong·e A·chik jatni aro Northeast ni dingtang dingtang song·a channaniko mesokatnagita uni channel o mesoke on·aniko dakangenga ine ua aganangaha.
