South West Garo Hills Rerapara Blockni ning∙o ong·gipa Mellim kal·chakram biapo, jolo bija jilgiparangko bariroroatna aro namdapatna District Horticulture Office Honey Festival ko ong·atangaha. Ia Honey Festival ko Mission for Horticulture Integrated Development ni bak gita ong·atangaha.
Ia festival o Rerapara Block ni BDO Armand Ch. Momin mongsonggipa sokgipa ong·e bakko ra·angaha. Honey festival ko ong∙atanichi Mellim jolo songdongenggipa manderangko aro jolo bija jilenggiparangko apsan ku∙mongna cholko on∙aniba ong∙a.
A∙dok sorkari Apiculture Mission 2 ni gita Mellim jolo bija jilgiparangni dol ko a∙bachengate sak 110 bija jilgiparangko seoke, bija jilanio dakna nanggnigiparangko skie on·anirangkoba dakangaha ine parakataha.
Jolo bija jilenggiparangna uamangni bimchipe kam ka∙enganina mande ra∙ani gita ia festival ni somoio certificate rangkoba suale on·angaha. Jolo bija bitchirangko chimonge donchakna biaprangko bija jilenggiparangni dabianina Rerapara Block ni BDO Armand Momin bija chimongchakram biaprangko ra∙bae on∙a ku∙rachakangaha.
