Meghalaya a∙dokni gitcham Deputy Chief Minister Standlington D Khongwir adita ru∙utbee saanirangko man∙e da∙al salni bako a∙gilsakko watangaha. Ua 1972 bilsioni 1993 bilsiona Mawlai Constituency o seokako man∙e manderangna dangdike on∙angaha. Indake ong∙genchimoba ua bilsi 25 ona dipet dilgipa ong∙e re∙dilani ja∙mano 1998 bilsio kamoni dontonge pu∙onanio susagija neng∙takna tik ka∙angskaaha.
Kongwir uni tangmiting somoirango a∙dokni saksa MLA aro Deputy CM ong∙e bang∙a department rangko jako ra∙e nirokangan baksa State Planning Board ni Chairman-ba ong∙angaha. SD Khongwir, Hills State People Democratic Party (HSPDP) dol baksa kam ka∙gipa aro United Democratic party (UDP) dolko bikotanio saksa mongsonggipa ong∙a. Unbaksana Mawlai Nonglum songni ning∙o ru∙utbate bilsi 55 mangna Nokma ong∙e kamko jako ra∙e dilangaha aro an∙tangko on∙kange songni manderangna dangdike on∙angaha.
