Meghalaya Cricket Association (MCA) bilsi 19-ni ning∙o ong·gipa me∙asa chadamberangna BCCI ni ong∙atenggipa Cooch Behar Trophy na kal·ani gnigipa salo Meghalaya aro Mizoram baksa kal∙susaanio mikka dontonggija waani a∙sel over 6 kosan kal·nagita man∙angaiaha.
Adita ru∙ute sengani ja·mano mikkarang namkalani gimin Umpire rangni kal∙nagita u∙iataniko man∙e susagipa dolrang kal·na a∙bachengnagita man∙aha ine koborna parakataha. Sokachakenggipa MCA dolrang bisil godoanio chegipa ong∙e robol gochengnagita tik ka∙angaha.
Angkit Tamang over 3 goanio dokgipa dolna run sa mangkoba man·a on∙ja baksana Balialam Mylliemngap ni goanio Mizoram dolni Marcus ko 2 run o Wicket ra·nagita man∙skaaha. Over 6 kosan kal·na man∙anio Mizoram wicket ge 1 ko ga·akate 4 run rangko man·ani gisepon kal·aniko dontongataha. Sal gnina kal·angkuna nanggenchimoba aro namgipa sal somoirangko man·a ka·dongan baksa kal·susaenggipa dol gnian chenagita ka∙dongsoanirang dongkuenga ine parakataha.
