Tura Civil Hospital ni ning·o Covid-19 sabisini somoio dangdike on·gipa gitcham kam ka·giparang uamangni man·a nanggni dormaharangko ia bilsini April jaoni man·kujaengani gimin Assembly ni Speaker Thomas A. Sangma ko nirokatchinagita chittiko see u·iatangaha.
Covid-19 sabisini somoio gitcham kam ka·e on·giparangni agananigitade, uamangko ia bilsini October sa tarikonin kamoniko ra·galaniko dakgenchimoba uamangni man·a nanggni dormaharangko da·onaba on·chipgija donenga ine chittio janapataha. Uamangni chagrongenggipa dingtang dingtang neng·nikanirangko janape iani bidingo nirokatchinagita Sangmako didiangaha.
