Mijal salni bako Shillong Meghalaya Pollution Control Board aro Tura Municipal Board bakrime changsana jakkalaigipa plastic rangko bon·atna mikrakataniko Tura songjinmao ong∙atangaha. Ia program ko chong∙motan Single-Use Plastics (SUPs) ko bon·atna, wilwilao donggipa chiring chibisik aro buring bolgrimrangna namgijaniko ra·bajanagita miksonge ong·atangaha.
Ia program ko ong∙atani somoio Tura Don Bosco School, Tura Government College, Tura super market aro Ringrey Urban Hub biaprangona re∙ange nirokanirangko dakangaha. Program o sak 100 na bate Don Bosco School, Tura Govt. College ni chatro chatrirang bakko ra∙angaha. Unbaksana dokan dakgiparang aro me∙su samjakko bading chiwale cha·giparangba dongpae bakko ra∙angaha.
Una agreba ia program ko Turani wilwilao donggipa dingtang dingtang biaprango dongimin somoi aro salrango skie on·aniko dakangkugen ineba parakataha.
