Sombar salo Chief Minister Conrad Sangma baksa tom·e golporimani ja·mano Health Minister Ampareen Lyngdoh, ASHA kam ka·giparangni dabienggipako chu·sokatna sorkari ku·chakna man·jawa ine parakangaha. ASHA rangna sorkari chu·ongagitan on·enga jeon uamang hajal 5-7 tangkarangko kamni kri jaanti man·enga ine Lyngdoh aganangaha.
ASHA rang sorkarini ning·o chu·gimik ong·ja, uamang Village Health Council (VHC) ni baksa ong·a ine Lyngdoh janapangaha. Uamang kamtangko ka·na maiba cholchi re·bana man·jaode aganchakaniko on·a nangao ga·aka ine ua agandapangaha.
Kamtangtangoni neng·take noko donge jingjengatenggipa ASHA rangko kamrangko ka·pilchinagitaba Health Minister didiangaha. Uamangni man·gnirangko bariatna dabianiko on·a sorkarini jako ong·ja maina pilaknan niamko a·songo tarimanaha ine Lyngdoh parakangaha. Unbaksana ASHA kamara songsalna dangdike on·enggipasa ong·a jean dongkamnagipa ong·ja ine ua agandapangaha.
