Da·al salni bako Tura Municipal Board (TMB) ni Chairman J.D. Sangma, NPYF ni National Secretary Dabo M. Marak, Tura Municipal Board (TMB) baksa songsalo aro wilwilao rongtal an·talani kamrangko bimchipe dakange on·china Bolero Pick-up bol bri aro Compactor garirangko flag ra·doe re·ongkatataniko dakangaha.
Ia garirang Turani songjinma aro wilwilao dongenggipa bang·a biaprangko rongtal an·tale donna kam ka·e dakchakanggen. Garo Hills o ian skanggipa changna compactor garirangko jakkale jabolrangko chimonge galnagita dingtang mancha ra·bae on·aniba ong·a. Tura songjinmani jabolrangko kraa bewalo galna TMB raken jotton ka·enga jekon uamangni kamo nikangna man·enga.
