East Garo Hills a∙jao sae dongenggipa manderangna chasongna jakkalbaenggipa dingtang dingtang sabisirangni samrangko ra∙bae komia damrango palnagita ge∙sa pharmacy ko kulie on∙a ma∙mong sorkarinigita u∙iataniko dakangaha. Ian Pharmaceutical department nigita Pradhan Mantri Bhartiya Janaushadhi Pariyojana scheme ni ning∙o ma∙mong sorkarini Chemical aro Fertilizer Ministry nigita Janaushadhi Kendra ine centre ni bimingko done a∙bachengatenggipa ong∙a.
Janaushadhi Kendra ko a∙bachengate komia damo sagipa manderangko sanna gita kam ka∙enganio bang∙a manderangan iani namgniko man∙aha ine ma∙mong sorkari u∙iataniko on∙angaha. Da∙alona kingking a∙song gimiko 9900 mangna bate Janaushadhi Kendra centre rangko kuliaha. Ia centre ko kulianichi batanggimin bilsi skuni gisepo ramram manderangni sanna bannanio tangka gong 23 crore ko jakkalgnioniko naljokatnagita man∙aha. Apsandaken Garo Hills a∙jaoba ia scheme ni namgniko mikkangchi man∙anggen ine u∙iatangaha.
