Re∙baenggipa November 17 oni 19 tarikona ong∙atnasienggipa Cherry Blossom Festival na tol∙mike ticket palgiparangoni naljoke dongchinagita Meghalaya Police mikrakataniko on∙angaha. Cherry Blossom festival manianio biaprangko nidilna, dongchakna biapko am∙sandie on∙a aro ticket rangko ra∙samsona kakketgijagipa website rangko jakkale manderangni sin∙karini manianina gisiko an∙sengsamsoaniko nosto ka∙na senge donggiparang bang∙en donga ine mikrakataniko on∙angaha.
Jemangan ia festival ona re∙angna skengachim kakketgipa aro niamgita ticket rangko palgipaoniko ra∙na man∙gen. Turao songdongenggipa manderang ia festivalko ong·atenggiparangni ticketrangko palna tik ka·gimin biaprangara Tura Sohra Complex, The Soul Food, Red Door Cafe, Nostalgia Cafe, Black Bean Cafe, Hope Cafe aro Studio Metamorph oniko ra∙enagita man∙gen. Una agreba niamni a·palo togie ticket rangko palgipa manderangko chagronge neng·nikanirangko man·genchimode pulisrangni on·gimin 112 number ona call ka·ate u·iatnagita man·gen.
