Williamnagar songjinmani Fire Service Station oniko re·anggipa October 28 tariko cha·uanggipa tangsim rongni gari Maruti 800 ko Simsang nalsao donggipa Asiragre songoniko walni sa bajimango man·pilaha ine parakataha.
Ku·rongdik na u·iatanigitade ia gariko songni manderang gale donangako nike nokgipana u·iatangaha. U·iataniko man·a bakan gari nokgipa a·damona re·ange an·tangni gariko ra·ena man·aha ine parakataha.
Gariko donbrange galangani gimin cha·ugipa manderangko rim·na man·rikjaha. Songni manderangni u·iatanigitade ia cha·ugiparang gariko chel·a biapona ra·angna man·jae Asiragre songo gale donangna nangao ga·akaha ine chanchipe koborna parakataha.
