2023 bilsini T20 Syed Mushtaq Ali Trophy-na da∙al salni bako Jaipur-o Meghalaya dolni bon·kame Baroda baksa cricket kal∙susaanio Meghalaya dolko Baroda dolrang saksni wicketrangchi amataha.
Meghalaya dolrang skanggipa dokchenge over 20 o chu∙gimik 65 runrangkosan tarina man∙aiaha. Baroda dolrang over 5.2 ni gisepo sakgittam wicketrangko ga·akate Meghalaya dolko nengrabee amatnagita man∙aha.
Meghalaya dolna Anish Charak rong 20 robol goaoniko 19 run rangko wicketko ga·akatgija man·e on·aha aro unbaksa apsan dokgipa Akash Kumar Choudhary rong 13 oniko 10 runrangko man·e on·angaha. Lerry Sangmaba bijangchio napbae rong 22 oniko 16 runrangko doltangna man·e on·angaha. Baroda dolrang bilakbee aro nambee kal·anichi wicket gittamkosan ga·akate nengrabee amatna man·angaha.
Una agreba Senior Women’s T20 Trophy na Meghalaya me·chik dolrangni Chandigarh baksa kal·susaanio Meghalaya dolko Chandigarh 104 run rangchi amataha. Knal salni bako Meghalaya me·chik dolrang Saurashtra baksa kal·angskagen.
