Jaipur o Syed Mushtaq Ali Trophy 2023 T20 tournament o cricket kal·susaanio Haryana dolrang wicket 5 chi Meghalaya dolko amataha.
Bisil godoanio Haryana chegipa ong·e robol gochengna tik ka·aha. Meghalaya a·dok dokchenge over 19.1 o chu·gimik wicketrangko ga·akate 94 run rangko tarina man·aha jekon Haryana dolrang over 16.3 o nengrae amatna man·aha.
Meghalaya dolna kal·e on·gipa Nahul Verma rong 34 ball o 43 run rangko man·e on·aha aro Riboklang Hynniewta rong 28 ball oniko 19 run rangko man·e on·skaaha. Gnigipa inning o Meghalaya dolrang robolko nambee goanichi Haryana ni dokgiparangna neng·nikaniko on·genchimoba uamangni chu·ongagita run rangko tarina man·gijani a·selo amnagita man·jaha.
Unbaksana Senior Women’s T20 Trophy o Meghalaya me·chik dolrangkoba Bengal dolrang amatskaaha. Meghalaya ni me·asa dolrang uamangni bon·kamgipa susaaniko Baroda baksa Sukrobar salo kal·anggen aro me·chik dolrang knal salo Chandigarh baksa kal·angskagen.
