Chang 34 gipa East Zone Junior Athletics Championship 2023 ko Kolkata o ong·atgipao adita kal·susaanirango Meghalaya a∙dokni sakbri chadamberang chegipa ong·e medalrangko man·baaha.
Bilsi 14 ni ning·o ong·gipa me·chik dolni 600m katsusaanio Rukini RT Dkhar Silver medalko man·aha aro bilsi 16 ni ning·o ong·gipao Sibilda Maring High Jump o Silver medalko man·baaha. Apsandaken bilsi 20 ni ning·o ong·gipa me·asa dolni High Jump kal∙anio Pringchang N. Sangma Bronze medalko man·baaha aro bilsi 18 ni ning·o ong·gipa me·chik dolni High Jump o Anrisha Klein Bronze medalko man·baskaaha.
Ia chadamberang an·tangtangni changa sapaniko jakkale bimchipe jotton ka·anichi an·tangtangna nambegipa chu·sokanikosan ra·baaigija a·dokna aro jatna rasongko ra·baaha.
