West Garo Hills a∙jani Gambegre Block ni ning∙o donggipa songni manderang Aadhaar Card ko bank account baksa nangdimate on∙anio namen neng∙nikaniko man∙enga ine Gambegre songni manderang koborna parakataha.
Dingtang mancha Aadhaar ko bank account baksa nangdimatjagenchimode uamangni job card kam ka∙ani hajira rangkoba man∙a neng∙nikanirangko chagrongenga. Ru∙uta salrangna skangan bank-o nanggipa lekkarangko on∙e dongenchim ong∙oba da∙alona kingkingba kam matchotatgija dongenga ine u·iataha.
Ia obostarangni a·sel hajira man∙anio neng∙nikanirangko niate bank nigitaba ta∙rake kamrangko matchotate on∙pachina mol∙molanikoba dakangjolaha.
