Jaipur-o Syed Mushtaq Ali Trophy na Meghalaya aro Chhattisgarh ni gisepo cricket kal∙susaanio Meghalaya a∙dok Chhattisgarh dolchi amatako man∙aha. Ia kal∙susaanio Meghalayani kal∙gipa dolrang robol goanio name dakgenchimoba robol dokanio name kal∙angna man∙jae 66 run na Chhattisgarh dolrangni jako sirikna nangaha.
Akash Kumar Choudhary aro Anish Charak, uamang sakgni robol goanio sak gittam prak ko wicket man∙aha. Riboklang Hynniewta ni robol goanioba saksa wicket ga·akatna man∙angaha. Uamangni kolgrik over ni gisepo saksni kal∙giparangko siatna man∙anichi Chhattisgarh dolrang 162 mangmangko dokna gita man∙angaha. Kilco Marak ni robol goanio saksakoba siatna man∙jagenchimoba over gittamni gisepo chang 14 mangmang katna man∙e bangki kataniko namen champenge kal∙angna gita dakchakangaha. Robol dokanio Meghalaya dolrang rasong gribee 96 run mangmangkosan man∙e kal∙susaanio sirikna nangaha.
Re∙baenggipa Sombar salo Meghalaya dol, Jammu Kashmir baksa kal∙susaaniko dakangskagen. Unbaksana knal salni bako Meghalaya me∙chik dolrang Senior Women’s T20 Trophy na Tamil Nadu baksa kal∙susaaniko dakanggen ine Meghalaya Cricket Association ni gita koborna parakataha.
