Garo Hills oni me∙a bi∙sa sakgni October 18 tariko skulchi re∙angaoni nokona sokbapilgija gimaenga ine koborko man∙soaha. Gimagipa bi∙sarangoni Tura Danakgre o donggipa Sleephy D. Marak ni bilsi 10 ong∙gipa bi∙sa saksa Chediang A. Marak aro sakgipin Dainadubi songoni Salchubath G. Momin, Francish Sangmani depante ong∙a. Chanchichipe agananigitade bi∙sa sakgnian nokoni katbrangangasa ine koborna parakataha.
Gimaani salo uamang sakgnian nokoni skulona re∙ongkatangaha jeon uamang sakgnian skulona sokangjaha ine u∙iataha. Ia bi∙sa sakgni saksa sakgipinko ma∙sigrikgipaba ong∙ja aro ripengba ong∙ja ine janapangaha. Ia gimaenggipa bi∙sa sakgniko am∙sandianiko daknagita a∙bachengataha aro uamangni nokdangni manderangni sandianio sakantikon dakchakchinagita mol∙molangaha.
