Re∙baenggipa November jani 17 oni 19 tarikona ong∙atnasienggipa Cherry Blossom Festival ni bon∙kamgipa salko Robibar o matchotatengani gimin Saindur Tipkur Tipkha Ehrngiew Hynniewtrep (STIEH) dolrang rake jegalaniko dakangaha.
STIEH dolni gita a∙dokni Tourism Minister Paul Lyngdoh na chitti sedoaniko dake Robibar salko man∙chape manianiara Christian rangni bebe ra∙ani aro uamangni olakkianiko dal∙e ra∙gijanigita ong∙enga ine janapangaha. Meghalaya a∙doko bang∙bata songdong a∙chagiparangan Robibar salko rongtalgipa sal ba olakkiani sal ine bebe ra∙a. Ia maniani bon∙kamgipa salo dingtangmancha Robibar salko man∙chape Cherry bolko mande ra∙aniara Isolko chonikani gita ong∙enga ineba chittio janapaniko dakangjolaha.
