East Garo Hills a∙jani Deputy Commissioner Vibhor Aggarwal, Warimagre Urban Health & Wellness Centre (HWC) ko da∙al salni bako nokdonggae on·angaha. Ia Health & Wellness Centre ko nokdongaani somoio a∙jao dingtang dingtang sanna bannani a∙bao kam ka∙enggipa official rang aro songko nokko dilgipa manderang dongpae bakko ra∙angaha.
Warimagreo ia sanchakramko a∙bachengate on∙anichi wilwilao dongggipa songrangna altuae sanna bannaniko on∙a dakchakani ong∙gen. Ta·rakbate sannaniko man∙a aro Williamnagar Civil Hospital ona re∙na nanggija uamangni kamrangko ritchengatasan ong∙aigija dikdiksa somoion dakchakanikoba man∙a amgen ine a∙jani DC janapangaha. Ia gital HWC ko jakkalanichi sanna bannaniko manderangna sepangbate sokatna miksonge ra∙baaha ineba parakangaha.
