Turaoni robol kal∙na changbegipa Donkam M Marak a∙songo robol kal∙susaanio mingsinggipa Hyderabad FC na bilsi 17 ni ning∙ao robol kal∙na seokako man∙aha. Ru∙utbea somoirangonin Donkam Marak Chandmari FC dolna robol kale on∙rongbaenga.
Uni gisiko nange aro ga∙subee kal∙na changani a∙sel da∙alo ua a∙song gimiko nambatsranggipa robol kal∙gipa dolrang baksa kal∙na seokako man∙angaha aro ian uni mikkangchi janggi tanganio nambatgipa kal∙susaanirango bak ra∙na gita mingsa cholko on∙anggen.
