Anand Vihar rel station, Delhi oni Kamakhya, Assam ona re·ruraenggipa North East Express rel gari, Bihar a·dokni Raghunathpur Buxar station o mijal walni 9:50 baji mango a·sel ong·aha.
Ia a·sel ong·anio ge·gni AC III tier daba rang bikpile ga·akaha aro gipin ge·bri dabarang rel ramaoni tang·ongkate gitilskaaha ine janapataha. Ia a·sel ong·anio sak 4 manderang siaha aro sak 70 mangna bate mata bu·anirangko man·aha ine parakataha. Saknaa man·gipa manderangko Patna ni AIIMS ona sanna bannaniko dakna ra·angaha.
Ia rel garini a·sel ong·anio Meghalaya a·dokni manderangko am·sandina aro dakchakna Chief Minister Conrad K. Sangma kamrangko ka·angenga aro dakchakaniko nangenggipa manderang 18003453644 number ona u·iatna man·gen ine parakataha.
