North East Fide rating Chess championship 2023 ko Arunachal Pradesh o October 21 oni 27 tarikona Degree ground Papu Nallah Naharlagun-o ong∙atnasienggipao sakbri A·chik chadamberang susanagita seokako man·angaha. Ia Chess kal∙susaaniko Arunachal Pradesh a∙dok sorkarini Sports & Youth Affairs department aro All India Chess Federation (AICF) ni dakchakanichi, Arunachal Pradesh Chess Association (AAPCA) ong∙atanggen.
Chess kal∙susaanio gisiko nanggiparang bilsi 11 oni a∙bachenge bak ra∙angnagita man∙gen aro kal∙anio chegiparangna dingtang dingtang gadango kal∙ani kri trophy baksana tangka paisarangko boksis on∙anggen ine u·iatangaha.
Ia chess kal∙susaaniona Meghalaya a∙dokoni chu∙gimik sak 23 dingtang dingtang gadango kal∙susae bak ra∙aniko dakanggen. Ia kal∙susaanio A∙chikrangoni chess kal∙na changbegipa chadamberangoni Silkam A. Sangma, Bensing G. Momin, Amaziah Gapesa Ch. Marak aro Krusen D. Shira bak ra∙na seokako man∙angaha.
